PRODUÇÕES LITERÁRIAS DEDICADAS À FORMAÇÃO

DE REVOLUCIONÁRIOS MARXISTAS QUE ATUAM NO DOMÍNIO DO DIREITO, DO ESTADO E DA JUSTIÇA DE CLASSE

 

RENOMADÍSSIMOS OPORTUNISTAS E REFORMISTAS,

PSEUDO-MARXISTAS E REVISIONISTAS DO SOCIALISMO CIENTÍFICO

NO INTERIOR OU NAS PROXIMIDADES DAS FILEIRAS DO MOVIMENTO PROLETÁRIO REVOLUCIONÁRIO

 

Lineamentos sobre a Origem do Socialismo Alemão :

 

Introdução

 

 

JEAN JAURÈS[1]

 

Concepção e Organização  Portau Schmidt von Köln

Compilação e Tradução Emil Asturig von München

Julho de 2008

Para Palestras e Cursos sobre o Tema em Destaque

Contatar emilvonmuenchen@web.de

Voltar ao Índice Geral

http://www.scientific-socialism.de/ORPRCapa.htm

 

 

 

Scio equidem socialismum germanicum non meram esse et contemplalivam philosophiam, contendit et propugnat, et praesentis status civilis fundamenta vult eruere; non doctrina est tantum, sed factio in civitate.

At et ipsa philosophia aliquando bellatrix surgit et induit arma et politico certamini miscetur; non coelum modo intuetur, sed et terram.

Et si Socrates philosophiam a coelo evocavit, socialismus justitiam a coelo, id est a regione « idearum » evocat ut ad eam vitam hominum informet.

Fichte, Lassalle, Marx, Schäeffle et duces fuerunt simul et doctores.

Si enim socialismum germanicum introspicias, quamdam in eo philosophiam inclusam reperias.

Nam et certam esse in historia et oeconomica dialecticam contendit quae et rerum formas et hominum relationes mutat.

Et libertatem non tanquam abstractam contraria eligendi potestatem, aut temerariam individui cujusque civis licentiam, sed tanquam ho­minum veram aequalitatern et inter se communionem definit.

Et denique non vanam et ab ipso mundo et naturali rerum ordine abscissam justitiae imaginem et coelestem umbram prosequitur, sed ipsam tan­quam corpoream justitiam rebus ipsis immixtam et innixam apprehendit.

In socialismo igitur germanico certa quaedam et dialecticae sive universalis motus, et libertatis humanae, et naturae Deique doctrina inhaeret.

Nec necesse est, ut socialismi et philosophiae germanicae vinculum deprehendamus, omnem istius philosophiae historiam amplectamur : satis est illos : homines interrogemus qui germanicum tanquam inge­nium et cogitandi morem informarunt.

Non ab humilibus et demissis ingeniis defluunt eventa et historia

decurrit, sed ab altissimis : quis autem neget Lutherum, Kant, Fichte et Hegel inter aut theologos aut philosophos Germaniae esse culmina?

Nec mirandum est si istam materialistam doctrinam quae a quadam hegelianae philosophiae parte procedit omittimus, quamquam, in oeconomica, so­cialismo vicina fuerit : sed Feuerbach, ut exemplum

afferam, non magister fuit socialistae illius praeclari qui Marx vocatur, sed condiscipulus.

Ambo eamdem hegelianae philosophiae interpretationem instituerunt, alter in ipsa philosophia, alter in oeconomica.

Et ipse Marx declarat se hegelianam dialeticam amplexum esse, sed in materialismum conversam et ab inani subtilitate in terrestre quoddam rnetallum , ferrum aurumve transmutatam.

Caeterum, cum socialismum germanicum non ad materialismum «extremae hegelianae laevae» sed ad illos idealistas refero qui Lutherus, Kant, Fichte et Hegel vocantur, non solum veram et profundam socialismi germanici originem tangere volo, sed futuram illius socialismi quasi « evolutionem » praefigurare.

Nam si hodiernus Germaniae socialismus, sub aspectu et tanquam sub clypeo materialismi pugnat, hic est tanquam belli praesentis habitus, non pacis futurae.

Se materialistas esse et affirmant et credunt socialistae ut terram, omnibus superstitionis umbris liberatam, sub duro tanquam lumine et crudo asperis miseriis hirsutam facilius ostendant.

Sed in imo socialismi corde germanicus vivit idealismi spiritus.

Hoc nobis manifestum erit quum quid et Lutherus et Kant et Fichte et Hegel socialismo contulerint, viderimus; manifestum erit quoque socialistas veros philosophiae germanicae et tanquam ipsius germa­nici ingenii discipulos fuisse.

Sed hoc primum clarius signiflcabit quantum res ab ideis procedant, et historia a philosophia pendeat.

Nam primo aspectu credas in Anglia praesertim socialismum floruisse, cum in Anglia praesertim novus oeconomicus ordo, qui Pecuniam fundamentum habet, creverit arroganter.

In Anglia utique facile erat omnem oeconomicum processum deprehendere.

Quis autem hunc processum et vidit et descripsit?

Non Angliae philosophus, sed Germaniae, Angliam incolens, Karl Marx. Si Marx non in ingenio tanquam impressam habuisset hegelianam dialecticam, non omnem Angliae oeconomicum processum illi socialistae dialecticae subjecisset. Anglia res ipsas praestavit, sed philosophia germanica interpretationem, et socialismus in ingenio germanico natus est prius fere quam in ipsa Germania magna industria extra normam creverit, et oeconomicae socialismi conditiones exstiterint.

Sed ista generalia relinquamus et unum quodque istorum culminum, quae elegimus, ascendamus.

 

 

EDITORA DA ESCOLA DE AGITADORES E INSTRUTORES

“UNIVERSIDADE COMUNISTA REVOLUCIONÁRIA J. M. SVERDLOV”

PARA A FORMAÇÃO, ORGANIZAÇÃO E DIREÇÃO MARXISTA-REVOLUCIONÁRIA

DO PROLETARIADO E SEUS ALIADOS OPRIMIDOS

MOSCOU - SÃO PAULO - MUNIQUE – PARIS


[1] Cf. JAURÈS, JEAN. De Primis Socialismi Germanici Lineamentis Apud Lutherum, Kant, Fichte et Hegel, Thesim Facultati Litterarum Parisiensi, Tolosae : Ex Typis A. Chauvin et Fils, 1891, pp. 1 e s.